Tuesday 17 May 2011

നിനക്കുവേണ്ടി

എനിക്കും നിനക്കും
ഇടയിലെ മൗനത്തിനു
കടലിന്റെ ആഴവും
മരുഭൂമിയുടെ പരപ്പുമാണ് ..!
അതിര്‍ത്തികള്‍ ലങ്കിച്ച്‌
പറന്നടുക്കുന്ന ദേശാടനകിളികള്‍ക്ക്
ആഴവും പരപ്പും തീര്‍ച്ചയുണ്ടാകില്ല...!
അവ പറന്നു കൊണ്ടേയിരിക്കും
ചിറകു തളര്‍ന്നു എന്‍റെ ആഴത്തിലും
നിന്‍റെ പരപ്പിലും മരിച്ചുവീഴും വരെ ..!

അന്ന്
മൗനം തിരമാലകളില്‍
ആടിയുലഞ്ഞു നിന്നിലേക്ക്‌
വീശിയടിക്കും
ചെവിയോര്‍ക്കുമ്പോള്‍
നിനക്കതിന്‍റെ വിലാപം കേള്‍ക്കാം ..!

നിനക്കുവേണ്ടിയാണ് ഞാന്‍ മഴ പെയ്യിച്ചത്,
നിനക്ക് വേണ്ടിയാണ് ഞാന്‍ നക്ഷത്രങ്ങളെ
ആകാശത്തില്‍ വാരിയെറിഞ്ഞത്,
നിനക്കുവേണ്ടിയാണ് ഞാന്‍
മരിച്ചു വീണതും ...!

No comments:

Post a Comment